O dia 28 de março às 13h30 concentraçom na praça de Maçarelos contra o Processo de Bolonha. A Coordenadora de Assembleias da USC sairá mais umha vez à rua para denunciar a implantaçom do Processo de Bolonha nas Universidades Galegas.
NOM AO PROCESSO BOLONHA!!
FORA EMPRESAS DA UNIVERSIDADE!!
Acta da X Coordenadora de Assembleias da USC
(22/3/07)
Ordem do dia:
Ler mais...
>
1.Aprova-se a acta anterior após a assembleia de Físicas corrigir o
referente às concentraçons, já que na acta aparece umha concentraçom o dia
28 de março às 19h que nom se convocou.
2.Turnos de faculdades:
Direito: Nom se reuniu.
História: Está a trabalhar na ediçom dum autocolante.
Físicas: Estám em campanha de promoçom da assembleia.
Trabalho Social: Nom se reuniu.
Biologia: Debateu sobre a Coordenadora.
Política: Preparam umhas jornadas para o dia da Liberdade de expressom e para o das Letras galegas.
Comunicaçom: Continuam com a campanha de info sobre Bolonha.
Farmácia: Campanha para unir-se à assembleia.
3.Propostas:
a)A proposta de Física de fazer umha palestra e logo umha ceia o dia 23 de
Maio modifica-se, já que estava pensada para fazer-se fora da
Universidade. Aliás, inclui-se a celebraçom de umha acçom de bloqueio do
BSCH do Câmpus Sul, avisando os meios de comunicaçom.
BAIXA-SE ÀS ASSEMBLEIAS
b) Ciência da Comunicaçom. Propom a criaçom de assembleias nas faculdades onde nom há, mediante a organizaçom de comissom promotoras. Fará-se em nome
da Coordenadora e cada assembleia ocupará-se de umha faculdade, o reparto
seria:
Direito: Psicologia, Política: Relaçons Laborais, Física: Óptica, Biologia: Matemática, História: Filosofia, Comunicaçom: Económicas e
Filologia: Enfermagem.
c)Direito anima a todas as assembleias a remeter o seu trabalho ao correio
para que seja publicado no blogue.
c)As assembleias de História, Trabalho Social e Direito tenhem problemas com
os seus locais de alunas. Direito e Trabalho Social proponhem fazer umha
reclamaçom formal antes de assaltá-lo, no caso de ter resposta negativa, e
solicitam a Coordenadora utilizar o seu nome.
BAIXA-SE ÀS ASSEMBLEIA
História reunirá-se nos corredores a modo de protesto enquanto nom houver soluçom.
4.Concentraçons.
Trata-se o tema de como organizar os próximos actos, a assembleia de Física opina que o melhor é repetir o da passada acçom, é dizer, entrar em várias faculdades.
Insta-se às assembleias de Biologia e Política a dar explicaçons pola sua
nom participaçom no passado acto da Coordenadora. Política escusa-se
dizendo que estavam ocupad@s com a organizaçom das suas jornadas e Biologia
argumenta que na sua faculdade há umha desmobilizaçom geral, que provoca
que haja pouca gente, além de que em certos casos nom compartilham as
reivindicaçons. A assembleia de Direito diz que se calhar o problema esteja em
que a assembleia de Biologia nom tem um compromisso real com a Coordenadora. Física insta Biologia a mostrar publicamente o seu descontento e fazer críticas construtivas.
Daniel Cao fica encarregado da redacçom dum manifesto e dumha série de
consignas para as seguintes acçoms, assím como de avisar aos meios de comunicaçom, grande falho da última delas.
Física anuncia a oferta feita por Educaçom crítica para a colocaçom dumha
faixa nas suas festas. (Tarasca dia 22 e Avante dia 28).
Propom-se fazer trabalho nos liceus, previr ao alunado que sofrera o Processo Bolonha das suas consequências, gera-se um debate. Propom-se que baixe às assembleias que aliás devem debater a proposiçom de fazer um protesto perante o acto da Conselheira da Educaçom com alunas de Bacharelato.
Baixa às assembleias.
5.Palestras.
a)A companheira Rute, da assembleia de Física comenta que na faculdade de Direito da Corunha um grupo de alunas montou umha assembleia e requerem umha pessoa da Coordenadora e foi convidada ela. Aceitam-se outras propostas, mas insta-se às assembleias a que votem por correio electrónico, já que o assunto requer urgência porque esta palestra está convocada para o próxima
semana.
b)Política pede umha pessoa para as suas jornadas, quer que a decisom se
tome no momento, mas lembra-se-lhes que nom pode ser e que já se lhe mandará um correio. Todas as assembleias devem propor a alguém e mandá-lo pola
listagem. Pede-se urgência.
c)Debate-se o tema de fazer ou nom umha palestra conjunta com a "Semana da
educaçom crítica" e sai favorável, deve-se enviar um correio às
organizadoras para confirmá-lo. Há umha série de ponentes, entre elas:
Miguel Urbán, Teresa Moure e Antom Santos.
A assembleia de Direito solicita que se lhe mandem todas as propostas por
ser a encarregada de organizar.
PRÓXIMA REUNIOM, DIA 22 ÀS 14h30 NA FACULDADE DE DIREITO.
Hoje, a Coordenadora realizou umha nova saída à rua para denunciar a implantaçom do Processo mercantilizador nas nossas Universidades.
Com atraso face ao habitual noutros tempos, e por enquanto mobilizando menos estudantes. Mas semelha que algumha cousa começa a rebolir na USC. Na manhá de hoje, ao redor de meio centenar de estudantes concentrárom-se diante do Auditório da Galiza. A finalidade era protestar contra a implantaçom do Processo de Bolonha nas universidades galegas. Às 13:30 horas, hora do começo, várias pessoas tentárom com a ajuda dumha escada colar umha faixa sobre o tecto do Auditório, mas a apariçom da polícia espanhola frustrou a tentativa.
Ler mais...
Porém, e apesar da presença do corpo repressor, o protesto continuou com cortes de trânsito e o deslocamento da manifestaçom polas ruas do Câmpus Norte. Ao chegar à entrada da faculdade de Jornalismo, as manifestantes entrárom na faculdade com as faixas e megafone sem se produzirem incidentes, isto repetiu-se depois na Residência universitária Burgo das Naçons, na Faculdade de Económicas e finalmente na de Magistério, sempre pola estrada, para dar por finalizado o acto.
As manifestantes anunciam posteriores mobilizaçons, em concreto o dia 28 de Março na praça de Maçarelos às 13:30 horas. A finalidade destas concentraçons inclui a luita contra a desinformaçom, arma principal da USC e do Ministério da Educaçom para calmar os ânimos do movimento, principal causante da desmobilizaçom contra este processo privatizador.
Acta da IX Coordenadora de Assembleias da USC (14/3/07)
Ordem do dia:
Leitura e aprovaçom, se proceder, da acta da Coordenadora anterior
0. Rolda de Faculdades
1. Votaçom das propostas que na Coordenadora anterior ficarom de serem baixadas às Assembleias
2. Apresentaçom de novas propostas a baixar às Assembleias
3. Comissons
3.1 Comissom de agitaçom
3.2 Comissom jurídica
3.3 Comissom de informaçom
3.4 Comissom económica
3.5 Comissom/grupo de trabalho do documentário
4. Vários
Ler mais...
0. Aprovaçom da acta da anterior Coordenadora
1.1 Trabalho Social:
-Projecto de ciclo de cinema feminista
1.2 Ciências Políticas:
-Recolhida de sinaturas para melhoras relativas à Faculdade
-Criaçom e saída do vozeiro da Assembleia de Ciências Políticas, chamado "Asemblea"
-Celebraçom do Cursinho sobre Assemblearismo os dias 26,27,28,29 e 30 de março. Aberto o prazo de inscripçom.
- Celebraçom dumha paparota (jantar popular) polo I Aniversário da Assembleia
- Criaçom da Comissom Bolonha
1.3 Semana da Educaçom Crítica
- Apresentaçom. Levam ano e meio de actividade. Acham-se constituídxs numha Assembleia aberta, formada por pessoas de várias faculdades. Prepararom a Semana da Educaçom Crítica do passado ano e acham-se a trabalhar na do pressente ano, datada na semana do 16-20 de abril.
- Desde várias Assembleias anima-se às pessoas que integram a Semana da Educaçom Crítica a criar Assembleias de centro nas súas respectivas Faculdades.
- Informa-se da realizaçom, os dias 22 e 28 de março, festas da Semana da Educaçom Crítica, no Tarasca e no Avante. Anima-se a todxs a participar.
1.4 Biologia
- Informa-se do carácter organizativo da súa última juntança
- Estám a artelhar umha campanha para as vindouras elecçons de faculdade, projectada de jeito especial a alumnxs de primeiro.
- Criaçom dumha Comissom de Docência, encarregada de artelhar propostas relativas à luita contra o Plano de Bolonha.
1.5 Direito
- Preparam campanha de expanssom e publicitaçom da Assembleia pola Faculdade de Direito nas vindouras semanas, co objecto de achar soluçom às deficiências quantitativas de participaçom.
- Informa-se da proibiçom de se reunir do Vicedecano Fuco Sanjiao, quem alega que "nom som repressentantes de nenguém" e, porém, nom som quem de empregar os Locais de Alumxs disponíveis. Decide-se debater depois este ponto (fica incluído em "vários").
1.6 História
- Desculpam a súa ausência na acçom da Biblioteca Conceiçom Arenal por nom estarem informadxs da súa realizaçom essa data nem dos turnos que tiham que fazer, pois esperavam por umha confirmaçom que nom tiverom.
- Informa-se da preparaçom dum panfleto de presentaçom da Assembleia, além de cartazes, etc.
- Projecto de criaçom do blog da Assembleia.
1.7 Físicas
- Preparam um Ciclo de cinema sobre a importância da ciência no cinema e audiovisuais.
- Elaboraçom de vários cartazes de promoçom da Assembleia
- Informa-se da limpeça periódica realizada pola Assembleia do painel de anúncios da faculdade para adica-lo assím ao compreto às alumnxs da mesma.
1.8 Ciências da Comunicaçom
- Informam da realizaçom de actividades o passado dia 8 de março como celebraçom do Dia da Mulher.
- Preparam umha exposiçom sobre o Processo de Bolonha, o movimento estudantil anti-Bolonha em outros lugares etc.
- Artelharam umha palestra sobre Bolonha com a ajuda da faculdade (na preparaçom da mesma, suspensom das classes para umha maior asistência da gente etc).
- Preparam um Seminário (sem data) de AGAL aberto a tódala USC. Acha-se a espera da confirmaçom do crédito de livre configuraçom.
1.9 Farmácia
- Informa-se da ausência de gente na passada assembleia convocada.
2. -Proposta de aprovaçom dum cartaz de Bolonha enviado e votado por correio. Fica aprovado (6 a favor-3 abstençons)
-Ciências Políticas, despois de terem baixado á Assembleia o referente à possibilidade ofertada a companheirxs de escreverem em galizalivre, acham que, mentres o artigo nom esteja assinado pola Coordenadora de Assembleias, a título individual cada quem é livre. Assím é como foi assinado o artigo, porém, todxs concordam como já ficou dito na passada Coordenadora.
- Proposta de realizaçom dum texto de solidariedade com xs empregadxs da limpeça que se estám a manifestar, assunto já explicado na anterior Coordenadora. Ciências Políticas comenta a inexistência de relaçom entre este problema e o estudantado e, porém, as Assembleias de centro, e propom a solidariedade de jeito individual. Vota-se a proposta originária e fica aprovada (3 a favor-1 em contra-5 abstençons). Fica encarregada da elaboraçom do texto a comissom de informaçom.
- Proposta relativa às palestras sobre o Processo de Bolonha. Ciências Políticas informa da negativa da Assembleia de organizar (junto com Direito) as palestras dos dous campus e propóm que cada Faculdade prepare a súa respectiva. Assím abre-se um longo debate sobre as responsabilidades supostamente adquiridas por Ciências Políticas na anterior Coordenadora por baixar a proposta em vez de rejeita-la no momento, o problema que isto supóm agora nos reajustamentos de calendário, a legitimidade democrática de criar comissons de jeito directo na Coordenadora, a possibilidade de criaçom dum grupo de trabalho para coordenar a preparaçom das palestras e outros temas relativos a estes assuntos.
Como soluçom, Direito fica encarregada de coordenar a organizaçom das palestras co seguinte sistema: toda pessoa que tenha propostas de ponhentes para as palestras podem enviar um correio à coordenadora. Assím, Direito artelhará um calendário e umha proposta formal.
Farmácia propóm fijar já umha data de realizaçom das palestras, despois de Semana Santa. A data escolhida é a semana do 16-20 de abril, mas esta é a data de realizaçom da Semana da Educaçom Crítica. Propom-se a possibilidade de fazer as palestras de Bolonha dentro da Semana da Educaçom Crítica. Fica aberta a possibilidade, mas decide-se convocar umha Coordenadora de Assembleias de carácter extraordinário a vindoura semana pola necessidade de tomar umha determinaçom a este respecto nas assembleias e chegar a umha decissom.
3. - Proposta de Físicas dumha jornada (23 de maio) de palestras e cea popular (em princípio no Gentalha mas com possibilidade de ser fazer noutro CS) a partires das 17'00. Projectaria-se o trabalho da Coordenadora, temas de interesse etc. Baixará às assembleias.
-Proposta de Físicas de modificaçom do ordem das concentraçons. Ficaríam a 1ª no campus Norte (zona do Auditório), a 2ª na praça de Mazarelos, a 3ª no campus Sul e a 4ª perante a Reitoria. A data da primeira concentraçom é a vindoura semana, a quarta-feira 21 de março, de 13.00 a 14.00 e de 19.00 a 20.00 em princípio.
-Ciências da Comunicaçom propóm a criaçom (convocatória) de Assembleias desde a Coordenadora nas Faculdades onde nom há. Baixara-se às Assembleias.
- Proposta de Direito de que cada Assembleia mande o que está a fazer ao correio da Coordenadora e assím que a comissom de Informaçom poda pendura-lo no blog e informar assím à gente das actividades das Assembleias.
4. Comissons. Nom há nada que dizer.
5. -Propom-se apraçar o debate da proibiçom de reuniom em Direito para a vindoura juntança.
-Ciências da Comunicaçom comenta a súa futura participaçom no Foro da Mocidade e propóm à participaçom da Coordenadora. Debate-se brevemente para concluír a impossibilidade dumha participaçom polo dinamismo do Foro da Mocidade fronte ao lento fazer da Coordenadora.
- Físicas comenta que cumpre atopar outro meio de finanzamento além do baseado nos repressentantes de físicas na Faculdade. Ciências Políticas propóm fazer crachas. Dáni Baz, participante da Assembleia de Ciências Políticas, fica encarregado do tema. Semana da Educaçom Crítica propóm tamém sacar camisolas. Propom-se que a gente mande desenhos de crachas, camisolas etc ao correio da Coordenadora para ir criando modelos.
- Trabalho Social comenta a necessidade de levar umha listagem de frases às concentraçons para facilitarmos o trabalho, sobretudo à pessoa portadora do alto-falante. A comissom de Informaçom fica encarregada de fazer um "manifesto" para as concentraçons.
- Ciências da Comunicaçom comenta que em Jornalismo podem-se fazer fotocópias grátis.
- Farmácia informa da possibilidade de contar com Miguel Urban e Teresa Moure para as palestras de Bolonha.
- Semana da Educaçom Crítica comenta o seu interesse polo Seminário AGAL que artelham Ciências da comunicaçom. Planteja-se a possibilidade de rotar o Seminário por outras Faculdades.
-Ciências da Comunicaçom desculpa-se pola súa ausência na anterior comissom de documentário e convoca umha o vindouro 21 de março às 20.30 na Casa Encantada.
A vindoura Coordenadora de Assembleias fica convocada para o dia 22 de março, na Faculdade de Ciências Políticas às 14.30. A Mesa encarregada de moderar e levantar acta fica composta por Físicas (Rute) e Farmácia (Carlos).
Reproduzimos o artigo assinado polo companheiro Daniel Cao, publicado em galizalivre.org. Boa leitura! A última das causas apontadas é mais do que falsa, já que nom só há agressons contra o estudantado senom que nestes momentos está a germolar umhas das maiores da História e que porá fim a séculos e séculos desta instituiçom, até hoje pública. Nom é demagógica esta afirmaçom, já que o projecto conhecido como Espaço Europeu de Educaçom Superior recolhe entre outras cousas a livre entrada do capital privado nas Universidades; este materializa-se em forma de bolsas-empréstimo, másters ou simplesmente investimentos de futuro. Isto é mais umha mostra da falta de limites e horizontes da democracia liberal, que nom duvida em incluir no seu projecto de implantaçom do capitalismo selvagem a instituiçom educativa por excelência. A primeira delas, a exploraçom temporária vem pola implantaçom do conhecido como ECTS, que traduzido ao galego seria Sistema europeu de transferência de créditos, mediante o qual o antigo sistema de créditos (proporcional às horas de aulas) passa a ser proporcional às horas de trabalho individual, polo que umha estudante média deveria, como mínimo, de 40 horas semanais, com o qual a implantaçom do pós-fordismo na universidade é total, já que as estudantes terám umhas jornadas "laborais" equivalentes às que estes sistema lhes tem preparadas para quando se titularem. Nom se pode deixar de mencionar que com estas jornadas laborais as redes sociais entre estudantes vam caminho de desaparecer, com tudo o que isso conleva: individualismo, deterioramento brutal do tecido associativo, etc… Quanto à multifuncionalidade, vem imposta pola divisom que o plano europeu de Educaçom Superior tem previsto, já que parte as titulaçons em duas partes: Grau e Posgrau. O primeiro deles estenderá-se durante os três primeiros anos de carreira, e nele ministrará-se umha formaçom totalmente geralista face a dar umha saída laboral quase imediata (e precária) às estudantes, daí a legenda estudantil de ‘nem fábrica de precárias nem escola de elites’. Isto criará o inaudito fenómeno de pessoas menores de 23 anos totalmente hipotecadas e além obrigadas a trabalhar para o próprio banco se nom querem estragar os anos passados entre livros e aulas. No caso do Estado Espanhol, a implantaçom está sendo claramente às escondidas, de facto os últimos inquéritos publicados por distintos jornais apontam que até 90% do estudantado afirma nom conhecer este processo. A consequência clara disto é umha desmobilizaçom preocupante, já que se este modelo cristalizar encontraremo-nos perante um quadro bastante pior do que a própria LOU impunha. Sem a mesma intensidade que na Grécia, no Estado Espanhol está-se a reorganizar o movimento face a luitar contra o processo Basco, Países Cataláns e Madrid som por enquanto os territórios em que se está a desenvolver um movimento antiBolonha com um bocado de força e repercusom.
Depois das enormes mobilizaçons contra a Lei Orgánica de Universidades, que durante os anos 2001 e 2002 percorrêrom as aulas e ruas da Galiza, o movimento estudantil pareceu ficar condenado ao ostracismo, materializado como desafecçom e desmobilizaçom política geralizada entre as estudantes galegas. Nom se sabe se a causa pode ser a incursom no processo de tranqüilismo social após a vitória do PSOE em 2004 ou simplesmente a ausência de agressons gritantes contra o estudantado.
Ler mais...
A entrada do poder privado neste órgao conleva umha clara mudança funcional para a instituiçom; se esta antes tinha, entre outras, como funçom principal ser canteira de científicos e sem dúvida do que se conhece como ‘saberes críticos’, elemento indispensável face à criaçom dum capital social e dumha sociedade civil compacta passa agora a ser umha fábrica de trabalhadoras. Nom trabalhadoras de qualquer tipo, senom precárias com todas as características que tem este tipo de trabalhadora. Desde a exploraçom pura e dura (temporal e economicamente falando) à multifuncionalidade (trabalho em distintos lugares e com distintas funçons sem ter que ver nemgumha delas com o estudado).
Dizemos elites porque o segundo desses fragmentos em que fica dividida a titulaçom, o posgrau, terá um preço claramente inalcançável para umha estudante sem trabalho. E será escola de elites já que só aquelas que puderem pagar um posgrau optarám a um trabalho medianamente qualificado. A soluçom face a achegar o posgrau às familias de mais baixo poder aquisitivo é o conhecido como ‘bolsa-empréstimo’ que substitui as tradicionais bolsas entregadas polo Ministério da Educaçom e Cultura.
Cumpre analisar a resposta que isto está a ter. Vai em funçom ao tipo de implantaçom que as distintas universidades utilizam. Por exemplo, na Grécia o governo do social-democrata Karolos Papoulias, perante a impossibilidade de acoplar o seu sistema educativo ao Processo Europeu de Integraçom, já que as leis gregas tenhem totalmente ilegalizado o ensino privado, decidiu-se reformar a Constituiçom para permitir-lhe o passo, com o qual a soberania popular grega fica em maos da OMC, bancos...
No âmbito galego, a referência é claramente a Universidade de Compostela a que conta com um maior número de colectivos contrários a este fenómeno mercantilizador. Nom obstante, nom seria justo deixar de lado que foi a organizaçom estudantil independentista AGIR quem há tempo que começou a denunciar a problemática e mobilizar-se num momento em que o desconhecimento devia ser como mínimo de 99%. Actualmente até 10 faculdades da USC (que tem 18) contam com assembleias abertas de estudantes; estes colectivos independentes e plurais estám a desenvolver um processo de reconstruçom dum dos movimentos fundamentais de cara a artelhar umha sociedade civil combativa. O fenómeno que foi a base fundamental do movimento antiLOU ressurge em 2006 através da iniciativa dum grupo de estudantes que, estendendo o seu modelo de organizaçom, chegam a criar a Coordenadora de Assembleias de Estudantes da USC que se mostra como um dos projectos mais ambiciosos do movimento galego actualmente.
A Coordenadora está a organizar diversas mobilizaçons para o curso 2006-2007; sirva como esclarecimento que esta nom surge só como resposta à prostituiçom da Universidade senom também como organismo em que as assembleias encontram um ponto de encontro para denunciar a profunda crise em que a USC está mergulhada. Dum ponto de vista movimentário este conflito cria um pouso anti-capitalista fundamental de cara a futuras lógicas de luita.
A Coordenadora de Assembleias da USC está a realizar este acto em protesto pola implantaçom do Processo de Integraçom europeu nas universidades galegas, estas som as primeiras imagens, ao longo do dia irám-se colando mais.
Ver mais imagens...
O Reitor Seném Barro com a sua ferramenta para melhorar o ensino público galego: um martelo para destrui-lo.
ACTA DA VIII REUNIÓN DA COORDENADORA DE ASEMBLEAS DA USC
Dia 28-Fevereiro-2007
Asisten:
-Políticas (3)
-Física (6)
-Historia (2)
-Ciencias da Comunicación (1)
-Traballo Social (1)
-Dereito (2)
-Filoloxía (1)
Ler mais...
1-Rolda de Faculdades
-Farmacia está a preparar un cartaz con un logótipo proprio para a súa Asemblea de Faculdade.
-Filoloxía espera reunir-se para a semana e empezar a traballar en grupo
-Ciencias da Comunicación informa de novas participacións na súa Asemblea
-Políticas está a preparar un Voceiro da Asemblea de Faculdade; unha festa para celebrar o aniversário da súa constitución, un Ciclo de Cinema; unhas Xornadas de Asemblearismo e outras de Feminismo e mais un cartaz contra o Proceso de Bolonha.
2-Propostas a debate
-Tema Concepción Arenal: todo fechado. Fica determinación do primeiro grupo do día para escoller a xornada apropriada. Organizarán-se entre eles e elas, e informarán ao resto cando toque.
Alén do primeiro grupo, vén de constituír-se un segundo, formado por Sabela e xente de Historia entre as 11 e as 13 horas.
O horario final das concentracións é de 13.30 a 14.30 do medio-día e de 18.30 a 20 horas do serán.
-Lembra-se que o vindouro mércores día 7 de Marzo hai a primeira reunión do Grupo de Traballo do documentario, na Faculdade de Xeografía, Historia e Arte. Só están confirmadas as asistencias de Dereito, Física e CC. Comunicación, polo que cómpre que as demais Asembleas informen do envío dun/ha representante.
3-Novas propostas. Temas debatidos.
-Física: Tema palestras. Políticas e Dereito deberán procurar xente, basicamente profesorado, disponíbel para dar charlas sobre Bolonha. O primeiro e inmediato obxectivo sería atopar un grupo disposto a dar unha palestra a semana entre os días 19 e 23 de Marzo, ambos incluídos. Depois hai Xornadas de Políticas e depois ferias de Primavera. O segundo ciclo de palestras, máis tarde, sería ao rematar estas.
-Historia: A Coordenadora debería amosar a súa solidariedade e apoio, activo embora individual, às traballadoras da limpeza, en protesta polos seus dereitos laborais recortados polo Concello de Compostela. Todos os días às 11 horas na Praça do Obradoiro concentran-se. Que se baixe às Asembleas a posibilidade de tirar un comunicado de apoio e pór cartaces nas Faculdades.
-Políticas entende que a proposta de concentrar-se 4 veces, unha por semana, en Abril, debería depender do resultado máis ou menos exitoso da primeira convocatoria. Física replica que a intención da convocatoria non é mobilizar masivamente a xente, senón transladar a diferentes zonas da cidade a iniciativa de autoorganización da Coordenadora.
4-Comisión de Axitación
Informan do último acto desenvolvido. Moi xeitoso e visíbel na rede.
5-Comisión de Información
Debería tentar comezar a procurar contactos mediáticos para dar saída pública e difusión às actividades da Coordenadora. O web www.galizalivre.org ofereceu-se para servir de altifalante da nosa actividade.
6-Plataforma Estatal contra Bolonha
Agarda-se máis información sobre os propósitos do grupo saído da ACME e sobre o respaldo estatal à súa iniciativa, paralela en certo modo ao xa existente Foro Europeu de Estudantes.
7-Texto ao MpDC
Será asinado polo seu autor como integrante da Coordenadora. Está disponíbel nos correos das Asembleas.
8-A vindoura Reunión da Coordenadora será o día 14 de Marzo en Física.
