Regulamento (Aprovado)

REGULAMENTO INTERNO DA COORDENADORA DE ASSEMBLEIAS.

Os seguinte pontos estabelecem as regras básicas sobre o funcionamento técnico da Coordenadora de Assembleias. Fôrom propostos na I reuniom da Coordenadora, de 27-11-06, e aprovados em 31-01-07. Fôrom introduzidas modificaçons na XV reuniom da Coordenadora, de 3-5-2007 e aprovados em 10-05-07.

1-A Coordenadora expressará-se sempre em língua galega. Reconhecem-se as duas normativas, RAG-ILG e AGAL.

Ler mais

2-Todas as reunions da Coordenadora terám umha pessoa moderadora e mais umha pessoa encarregada de tomar acta (secretári@). Ambas configuram a Mesa da Coordenadora.

3-A periodicidade das reunions será de umha semana.

4-A Coordenadora está aberta à assistência de qualquer estudante da USC.

Só terám voz nas reunions da Coordenadora duas pessoas por Faculdade, que serám eleitas previamente polas suas assembleias de Faculdade. Recomenda-se rotaçom na presença de representantes de Faculdade nas reunions da Coordenadora.

A votaçom consistirá em: um voto por assembleia de Faculdade presentes.

Aliás, as Assembleias que nom cheguem a 3 pessoas reunirám-se em Assembleia mista e terám as mesmas condiçons nas reunions da Coordenadora que as assembleias ordinárias de faculdade.

5. Os debates realizarám-se em Coordenadoras extraordinárias. A representaçom nos debates nas convocatórias extraordinárias nom será por assembleias, mas individual de cada um/ha d@s assistentes.

6-A Coordenadora, reunida, poderá decidir a conformaçom de Comissons para a realizaçom de diferentes tarefas. Estas Comissons nom som soberanas, polo que deverám apresentar os seus trabalhos a debate.

7-As decisons tomarám-se por maioria simples das assembleias de Faculdade presentes nas reunions da Coordenadora.

8-As propostas de acçom nom som revogáveis.