Acta 4 (10/01/2007)

Acta da IV Interassemblear

(10-Janeiro-2007)

Ler mais

Assistem as seguintes Assembleias:

-Física (5)
-História (1)
-Direito (1)
-Biologia (1)
-Farmácia (1)
-Filologia (1)
-Políticas (1)
-Ciências da Comunicaçom (2)

A Assembleia de Filosofia desculpa a sua ausência.
A Assembleia de Trabalho Social desculpa a sua ausência.

1) Assistem por primeira vez as Assembleias de Filologia e de História. A primeira informa da sua constituiçom formal o dia 11 de Janeiro às 16 horas. A segunda informa da sua constituiçom o dia 15 de Janeiro às 20 horas.
Direito informa da sua constituiçom formal o dia 10 de Janeiro às 19 horas.

2) Repete-se a assistência atrasada de Assembleias, neste caso de duas (Políticas e Ciências da Comunicaçom). Solicita-se de novo maior pontualidade às Assembleias assistentes, além de que se informe se se produzirem atrasos ou ausências para evitar perder o tempo.

Comunica-se estranheza pola ausência reiterada de Ciências da Educaçom. O representante de Políticas, Daniel, fica encarregado de pôr-se em contacto com ela.

3) Exponhem-se problemas com o web actual. Além do complicado endereço, parece nom funcionar bem em ocasions pola sobrecarga que sofre quando entram umhas poucas visitas juntas. A estudante de Filologia informa da sua capacidade para editar umha página web da Coordenadora num formato melhor.

Informa também que em Filologia podem encarregar-se das correcçons linguísticas nas duas normativas do galego, polo que se recomenda que se lhes avise quando se preparem escritos públicos.

O responsável da página, Inhaki de Políticas, e a estudante de Filologia, devem pôr-se por tanto em contacto. Facilitará-o o Iago de Direito.

4) Produz-se um debate prolongado sobre a intervençom agitativa que deve ter a C.I. (Coordenadora Interassemblear). As diferenças provocam que se translade o debate sobre realizaçom de pintadas às Assembleias de Faculdade. Estas deverám traer à vindoura C.I. um posicionamento sobre este aspecto, assim como sugestons de legendas para escrever em forma de graffitis, caso se aprovem.

5) Outras propostas a transladar às Assembleias de Faculdade:

a- Ciências da Comunicaçom enviará um colante.

Um membro da Assembleia de Ciências da Comunicaçom vai realizar um texto para o MpDC sobre Bolonha, a petiçom desta entidade. Assinará o texto como C.I. polo que, umha vez redigido, será debatido pola Coordenadora.

b- Políticas comenta que em Março deveriam perfilar-se umhas palestras informativas sobre Bolonha em todas as Faculdades, incluídas aquelas nas que nom temos representaçom. Em Abril poderiam realizar-se. A C.I. apoia a proposta, pendente para o futuro.

c- Continuamos sem Regulamento Interno. A proposta realizada foi desestimada. Propom-se que Direito se encarregue de redigir umha outra de conformidade com os pontos aprovados na I reuniom.

d- Denis de Físicas enviará proposta de logótipo para a C.I.

e- Os panfletos editados e repartidos a última semana de aulas de Dezembro fôrom sufragados por Farmácia. Cada Assembleia das 10 citadas arriba (exclui-se Ciências da Educaçom por ausência reiterada) deve a Farmácia 4 euros. A achegar sem falta na vindoura C.I.

f- A C.I. solicita de todas as pessoas que a integram que, caso sejam junteir@s, acedam a que parte dos fundos recebidos polo seu posto sirvam para sufragar os gastos da C.I. A dia de hoje só se conhecem junteir@s em Física. Manifestam a sua disposiçom neste sentido e solicitam que faga o mesmo quem se encontrar numha situaçom semelhante.

g- Farmácia oferece um novo panfleto a enviar em breve. É de carácter satírico sobre a mercantilizaçom.

6) A C.I. aprova um modelo de desenvolvimento das assembleias que celebremos. Este modelo baseia-se em dous pontos que seriam:
1º- Ronda de informaçom. Esta ronda consistiria apenas em citar o estado de Assembleia de Faculdade por turnos: um comentário breve, se interessar. Nom se incluiriam aqui as propostas. Se nom há nada particular que citar, passaria-se palavra.
2º- Propostas.
Sobre as já realizadas ou apresentadas, opiniom e votaçom sobre as mesmas de cada Assembleia de Faculdade.
Novas propostas que nom se tramitassem pola via dos correios. Ocorrências e ideias d@s presentes. Vários.

7) A vindoura C.I. fica datada com carácter extraordinário para a quarta-feira, 17 de Janeiro, às 14,30 horas no Local de Alun@s da Faculdade de História.
Cumpre que as Assembleias acheguem a sua determinaçom democrática sobre todas as propostas expostas hoje.