Fotos e manifesto da concentraçom do 11-04-2007 no Câmpus Sul
Ver mais fotos e ler o manifesto.
Este é o manifesto, redigido pola Comissom de informaçom de acordo com os pontos contra Bolonha aprovados na Coordenadora:
"Concentramo-nos hoje para evidenciar um conflito que foi silenciado polos meios de comunicaçom empresariais, para protestar contra a imposiçom dumha reforma universitária que as altas instâncias do governo e da universidade se encarregárom de OCULTAR INTERESSADAMENTE, obrigadas polos seus compromissos com as empresas, E NOM COM O ESTUDANTADO.
Porque disso trata o plano de Bolonha. Quando falamos da mercantilizaçom do ensino, estamo-nos a referir a isto mesmo: à diminuiçom de bolsas, à suba de taxas, à extensom do mercado das hipotecas às estudantes (hipotecando o nosso futuro aos 18), à segregaçom laboral e precarizaçom a que se condena às tituladas de grau, à elitizaçom do ensino nuns pós-graus que ninguém poderá pagar...
Nas faculdades podemos encontrar a informaçom que a USC se digna a dar-nos sobre o EEES. Uns patéticos trípticos nos quais se fala das melhoras na mobilidade, etc. ALGO QUE POR OUTRA PARTE É INEXISTENTE. Há melhoras nas convalidaçons, mas nom há nengum tipo de melhora quanto às bolsas para ir de Erasmus ou Séneca. Portanto, até as vantagens que nos vendem SOM MENTIRA. Quem nom tiver dinheiro para ir de Erasmus agora, também nom os terá com Bolonha.
Portanto, por que fam esta reforma universitária? Para estender as regras do mercado ao ensino, convertendo o direito ao conhecimento num campo mais no que comerciar.
Isto tem como consequências, além das já citadas, QUE NA UNIVERSIDADE NOM SE VAI ENSINAR NADA QUE NOM SEJA RENDÍVEL EM TERMOS ECONÓMICOS.
Porque o ensino é um direito e nom um negócio: NOM A BOLONHA! NOM AO EEES!"
2 comentários:
Que explicacion vai dar esta coordenadora do abandono da mesma por parte da asamblea de ciencias politicas?
Hei, compa!
Coido que a coordenadora nom tem nengumha explicaçom que dar. Na coordenadora se coordenam as assembleias que querem trabalhar juntas. Se políticas marcha repentinamente tentando escenificar um conflito que nem sequer plantejarom à cara (elas saberám por que, talvez fosse que a maioria nom tinha a mesma ideia que elas sobre a organizaçom estudantil, e é muito mais singelo destruir que trabalhar para criar...), o resto de assembleias nom têm nada que dizer... Gostaria de que fosse umha despedida um pouco mais respetuosa pola sua parte (foi toda umha falta de respeito e despreço do trabalho das demais marchar do jeito que o figerom)pero eche o que há. Deixemo-nos de "cotilheos políticos", que som mui morbosos, pero também desmovilizadores. Seguimos adiante, seguimos trabalhando! Nom a Bolonha!
beijos!
Enviar um comentário